UniArte su mishon komo organisashon ta pa kompartí práktika artístiko kontemporáneo pa medio di proyekto- i enkuentronan artístiko i tambe pa aktivá kòmbersashon tokante e konteksto karibense, di tal manera kontribuyendo na desaroyo artístiko general i interakshon ku públiko.
UniArte su vishon ta pa stablesé su mes na maneranan ku ta duna visibilidat na desaroyo di práktika artístiko kontemporáneo den Karibe Hulandes i pa oumentá su partisipashon den Karibe i mundu di arte internashonal.
For di 2010, UniArte a bin ta krea proyekto i enkuentro.
Ku su mudansa for di Hulanda pa Karibe Hulandes, e organisashon a sigui inisiá proyektonan na lugánan físiko i/òf riba su propio plataforma online: weuniarte.com
Un artista mester di espasio, un lugá seif, un “bohio pa su mes”, un ambiente di sosten pa eksplorá, prosesá, traha, hala roseá, krea. Liber di husgamentu, pero tòg habrí pa krítika konstruktivo. Un espasio ku ta brasa i komprondé desaroyo pa medio di káos i potensial.
Arte ta un proseso ku ta manera baiben di laman. Un artista su desaroyo ta konsistí di eksplorá, frakasá, logra, inová. Un artista mester ta kapas pa enfrentá kualke situashon òf obra di arte ku un aserkamentu honesto i prufiá, sin wòri ku opinion públiko.
Un artista mester di un espasio pa eksponé su obra i ku ta aksesibel pa públiko general. E mester tin chèns pa topa i interkambiá ku su oudiensia. Mester tin espasio pa diskutí tokante arte generalmente i e artista su mes obra partikularmente. E sitio mester ta un lugá kaminda kolaborashon artístiko por resultá den eksploshonnan kreativo ku por tin efekto transformativo. UniArte ta kere firmemente den kolaborashon entre i denter di tur sektor i disiplina.
UniArte su residensia LOKAL na Willemstad, Kòrsou ta habrí pa artistanan visual, konservadónan, artistanan di arte esená, agentenan kultural, eskritornan krítiko di arte i investigadónan ku a nase òf krese na Kòrsou, Aruba, Boneiru, Saba, Statia òf St. Maarten.
E ta duna e residente e oportunidat pa desaroyá su prátika individual riba un nivel internashonal i/òf traha riba un proyekto kolaborativo ku otro artistanan lokal i/òf miembronan di komunidat.
E residensia akí ta invitá e residente pa desaroyá obra nobo na e sitio mes i pa traha riba un pregunta di investigashon spesífiko ku lo mehorá su práktika individual. Ta preferá pero no obligá pa traha riba tópikonan relashoná ku konteksto karibe (hulandes) òf ku ta stimulá eksperensia nobo ku su konteksto. Ku e residensia akí, lo pidi e residente pa e tin un mínimo di 2 momentu di kontakto ku esena di arte i ku públiko general dor di sea presentá su obra na e oudiensia lokal òf realisá diskushonnan i seshonnan krítiko ku artista- i bishitantenan lokal i sòru pa resultadonan tangibel manera tayer, seshonnan di charla òf eksposishon. Lo evaluá esaki kada biaha. Residentenan lo benefisiá di opinionnan di UniArte su miembronan aktivo di studio òf dor di bishitanan na studio i otro miembronan di ret.
Durante e residensia na UniArte, lo bo tin lo siguiente:
Kiko ta ferwagt di bo?
Durante un periodo di un luna, bo mester:
Pa apliká bo mester manda un video pa info@weuniarte.com , menshonando bo nòmber, e obra i método ku bo ta uza i konta nos dikon lo bo ke hasi un residensia. (Bo por subi e video riba google drive òf youtube i mail nos e link)
Nos ta aseptá aplikashon pa residensia lokal te ora nos ta yen i tin oportunidat te ougùstùs 2020.
